اسکی دوستلاریمدان بیرینی توی دا گؤردوم. او هارا، بو توی هارا!!!!

چوخدان گؤرمه میشدیم. چوخ دئییشیلمیدی. هئچ تانیمادیم. آما او منی گؤرجک تانیدی. اوقدر اوتاندیم کی اوندان سوروشام سن کیم سن؟ آنجاق سوروشدوم....

منه دئدی ایندی دوست ایتیرمک زامانی دئییل اوغلان...

آدینی دئدی.....وای........... نه قدر دئییشیلمیشدی..... ۱۵ ایل اولار گؤرمه میشدیم اونو....

ایندی اینجه صنعت خادیمی دی.... یاخجی ساز چالیر.... گؤزل ماهنیلار اوخور.... ایلک کره بیر آشیق هاواسی گلدی.... ساز چالدی منه رحمتلیک اوستاد آشیق درویشین سازینین سسی نی جانلاندیردی... نه گؤزل چالیردی... اونو منه ایتحاف ائله دی.... گؤزلریمدن دورمادان یاش گلیردی....

آتام سسینی ، سازینی خوشلادی... بیر آیری هاوا ایسته دی.... او مین انعام وئردی..... نه گؤزل چالدی...

سونرا توی قیزیشدی.... چئشیدلی هاوالار.... اوینادیق.... نئچه کره..... تیراختورا اوخودو .... آزربایجانا اوخودو.... هردن تویچولارین اصرار ایله فارسی هاواسی دا اوخودو....

چال دا کاباراچی چال، چال چال..... تراختورون آشکینا..... چال....

توی قورتاردی....

هفته نین سونو چاتدی....

ائوه گلدیم .... آتام قارا گئیمیشدی....

سوروشدوم.... بیر کیمسه حایاتینی دئییشمیشدی.. یئنه اسکی بیر دوستلاردان .... ان اسکی....

منیمله یاشیت ایدی، بیر مدرسه ده درس اوخویاردیق... چوخدا صمیمی ایدیک. او ۵ کیلاس درس اوخودو... بوشلادی... آیری چاراسی دا یوخ ایدی.... یئتیم اوشاق، کاسیب اوشاق....

اوشاق کن گئتدی تهرانا، چؤرک دالینجا، بیر میکانیک یانیندا ایشله دی....

من اونو آز گؤره ردیم... آنجاق بورا گلنده بیر اولاردیق...

گؤروشردیک.... دانیشاردیق..... چوخ تئز پول پارا قازاندی... من اونورسیته یه گئدنده توی ائله دی..... نه گؤزل تی ایدی...۳ اشیق گلمیشدی....

من او زامان اویناماق باشارمازدیم.... اوتاناردیم آداملارین آراسیندا اوینایام....

بیر قیزی اولدو آدینی قویموشدو سولماز...

بیر ایله یاخین ایدی کی خسته لیغی اونو داها ایشله مه یه قویموردو... آغ اوزو قاب قارا اولموشدو...

چوروموشدو... گلمیشدی ائوینه.. بوردا.... ائوینه هر زاد آلمیشدی.... ائوینده ده قالانمادی... آخیر گلدی قوجا آناسینین یانینا... آه آنا سئوگیسی.... آخیر دادا آنا قوجاغیندا جان وئردی جان یولداشیم....

بیرآی بوندان قاباق سون گؤروشمه میز ایدی.... سانکی گؤزلری مزاردان باخیردی.. قوجاقلاشدیق ، آغلاشدیق... بو گئنج یاشیندا بو خسته لیک هاردان تاپیلدی گلدی؟؟؟؟ علاج سیز خسته لیک... آدی چوخلارینین بدنینه اوشوتمه سالار....

بیر دوستو تاپدیم، بیرینی ایتیردیم....

آفتاب آزربایجان آدیندا بیر درگی وار، آیدا بیر باش چاپ اولار. چوخ

 گؤزل و اؤزو دئمیش کیلاسلی بیر درگی دیر. من  اؤزوم اونو چوخ

به یه نرم و هر آی اونو ایزلرم. اونون بیر صحیفه سی وار

باشلیقی بو دو: سنده دانیش.

بو صحیفه ده چئشیدلی( مختلف و متفاوت)  آداملاردان ،

چئشیدلی سورغولار سوروشارلار. مثلا

سون یوخو….

سون دولانماغا هارا گئدمیسن…..

هانسی ماشینی سئورسن…..

آزربایجان…..

و چوخلو سورغولار. آنجاق من هر دفعه اؤزومو اونلارین یئرینه

قویوب و سورغولارا جاواب دئیرم. آنجاق سورغولارین هامیسی نا 

 یاخجی جواب لاریم وار. تکجه بیر سورغو وار کی اونون جاوابینی

یاخجی بیلمیردیم.

سون گونلرده باشیما گلن اولای لارین ( حادیثه لرین)

سونوجوندان( نتیجه سیندن) بو سورغونون دا جوابینی تاپمیشام

سورغو: زیندیگانلیق چتیندی؟

سیزجه چتین دیر؟

منیم جوابیم:

زیندیگانلیق چوخ راحات دیر. بیر یوخو کیمی

چوخ دا شیرین دیر…… آمما

ایپ گئچنده گؤر گؤ……(*) الینه، ائله چتین اولور کی گل گؤرسن.

توضیح *

ملکوتی آدیندا بیر ماللا مینبر ده دانیشاندا چوخ کیریخاردی و

سؤزلری ترسه دئیردی، اونا گؤره ماللانین داش… لاریندان بیر ایپ

برکیدیب و هر زامان ماللا ترسه  سؤز دانیشاندا او ایپی بیر نفر

چکردی و ماللا همن سؤزو دوزلدردی.

بیر گون ماللا چیخیب مینبره و ایمام حوسینین ماجراسینی

دانیشیردی. آرادا دئیر ایمام حوسئینین باشیندا 313 نفر کیشی

وار ایدی. کیریختیغینا گؤره،  اپی چکرلر و ماللا همن سؤزونو

دوزلدر و دئیر ایمام حوسینین باشیندا 72 کیشی وار ایدی. بو آندا

بیر شخص کی مینبرین یانیندان گئچیردی قیچی دولاشار ایپه و

چکیلر، ماللا بئله دوشونر کی یئنه کیریخیب دیر و آداملاردان عذر

ایسته یر و دئیر باغیشلایین ائله بیل ایمام حوسینین ائله باشیندا

313 کیشی وار ایمیش، اویاندان یئنه ایپی چکرلر. ماللا دا معطل

قالار دئیر یا ایمام حوسینین باشیندا 72 آدام وار ایدی یا دا کی

ایپ گئچیب( اوزدن ایراق)  گؤر گؤت وئرن الینه

اینشا الله سیزلرین یاشاییشینیزدا ایپیز هئچ زامان گؤر….. الینه

گئچمه سین.

بو گونلر تراختور بیزه هم چؤرک اولوب هم چای. هامی اولوب تراختورچی. من اؤزوم ده اولموشام تراختورچی. قاباقجا توپا باخمازدیم. یادیما گلن بوندان قاباق( تراختور اوستون لیگه گلمه میشدن اؤنجه) باخدیغیم ماچلار 4 دانا ایدی. 1- ایران و استرالیا اویونو( هر شی دن خبرسیز مدره سه یه گئتدیم گؤردوم گونده دولو اولان مدرسه ده قوش دا قاناد چالمیر. اویان بویانا باخدیم نهایت 30،40 کیشی مدرسه نین نامازخاناسیندا گؤردوم توپا باخیرلار. منده ائوه قاییتدیم. بیر آز تاپتاجالاندیو آچتیم تلوزیونو باخدیو توپا، دوزون ایسته سز او قدر باش چیخاتمادیم، آخی 2-2 اوموشدولار آنجاق ایران اودموشدو؟؟؟؟؟؟؟؟)

2- ایران و پرتغال اویونو و3- ایران و مکزیک اویونو( او گونلر ایرانین میللی تاخیمینین آدینی ستارگان پارس قویموشدولار. من او زامانلار بیلیم یوردونون یاتاخ خاناسیندا قالاردیم. بو آدی قویدوقلارینا چوخ آجیقلی ایدیم و چوخ دا سئوینیردیم کی ایران اودوزور...)

4- تورکیه و آلمان اویونو( اودا اوشاقلارین باخدیغینا گؤره)

آما ایندی تراختورون اویونلارینین هامیسینا باخارام.

چوخ زامان دیر بوردا بیر سؤز یازمامیشام. چوخلو سؤز واریمدی یازماغا. آنجاق هله بیر ماجال یازماغا تاپمامیشام.

بیلیرم بیرینجی بورجوم یازماقدی، آنجاق نه ائله مک کی بیر آز اوسسالیق ائلیرم.

زومار آییننین سون گونلرینی یاشاماقدایام. گوز( پاییز) گلیب چاتماقدادیر.

جانیم هله قیزینمامیش گوزون سویوقلوغونو دوشونرکن، توک ریم بیز بیز( من

دئیرم میز میز) دورور. بونا باخمایاراق من گوزو  اوبیری موسیم لردن داها

چوخ سئورم. نده نینی یاخجی بیلمیرم. بلکه بو موسیم بوللوق اولور یا بونا

خاطیر دیر کی یایین بیر انتی( یکنواخت) گونلریندن منیم کیمی بئزن  بیر

شخصه تکجه گوزون رنگلی سیماسی چاره اولا بیلر.

بیرلیکده دوعا ائدک:

اوجا اوجا داغلاریمیز ییخیلماسین

آمین آللاه

گئنیش سریلمیش کؤلگه لیکلریمیز پوزولماسین

آمین آللاه

گؤر آخان سولاریمیز قوروماسین

آمین آللاه

تانری وئرن اومودوموز اوزولمه سین

آمین آللاه

تارنی بیزی اؤله نه دک هیئچ کیمسه یه موحتاج ائله مه سین.

آمین آللاه

آغ آلنینان ایکی رکعت ناماز قیلدیق قبول اولسون

آمین آللاه

آغ ساققال  آتالارمیزن یئرین جنت اولسون

آمین آللاه

 آغ بیرچکلی آنالاریمیزین یئرن اوچماق اولسون

آمین آللاه

تانری گوناهلارمیزی، آدی گؤزل اولان، محمد(ص) باغیشلاسین.

آمین آللاه

تانری بیزیم دوعالاری قبول ائتسین.

آمین آللاه

سایین زیارتچی لر!!!

 نئچه گون اولار نت دونیاسیندا وئبلوقلار آراسیندا بیر یاریش باشلانیب.

گئجه وئبلوقودا بو یاریش دا ایشتیراک ائدیبدیر.

اگر وئبلوقون یازیلارینی دیرلی گؤرورسوز آشاغیداکی آدرسده بو وئبلوقا اوی

وئرین

یاریش دا اوی وئرین

چوخ ساغولون

بیر گون بیر بالتاچی( مشه دن اودون یاریب گتیرن) مشه ده بیر آسلان گؤرور. آسلان بالتاچی یا دئییر: گل منه قوناق اول.

بالتاچی قبول ائدیر و بیرلیکده اوتورورلار خانین دورسینه. یئمک یینده بالتاچی گؤرور اسلانین آغزیندان ایی گلیر، آسلانا دئییر:

 اصلان بی سنین آغزیندان ایی گلیر. بیر آز او یانلیق دور. بو سؤز آسلانین اوریینه دییر.

دوروب بالتاچی یا دئییر:

 گؤتور بالتانی و وور منیم باشیمدان.

کیشی قورخور. دئییر

 نیه ووروم آخی؟

اصلان غضبلی دئییر :

 وور یوخسا سنی بوردا ییه جیم.

بالتاچی ناچار دورور بالتاسینان وورور آسلانین باشیندان. بالتا آسلانین باشینی یاریر و قان آسلانی گؤتورو. کیشی قورخور و دوروب قاچیر.

نئچه ایل بو ایشدن کئچیر و کیشی آسلانی داها مشه ده گؤرمور.

تا بیر  گون بالتاچی مشه ده آسلانی بی داها  گؤرور. بیر آز قورخور.

آسلان بالتاچی یا یاخینلاشیر و سوروشور

 ندن قورخورسان؟

کیشی دئییر:

 آخی سنین باشینی یارمیشدیم.

آسلان دئییر:

 گل باخ گؤر باشیمدا یارانین یئری قالیر می؟

کیشی باخیر گؤرور ائله بیل باشی هئچ یارالانماییب.

آسلان دئییر:

 او بالتا یاراسی ایدی توختادی. آنجاق سنین منه دئدیغین سؤزون یاراسی هله قلبیمدن سیلینمه ییبدر.

دئییر بیر گون حضرت موسی بیر اوغلانی گؤرور آناسینی آلیب بئلینه آپاریر

موسی اوغلانا دئییر آی بالا آنانی نیه اره وئرمیرسن؟

اوغلان دئیر، ای آللهین ائلچی سی بو نون اره گئدن واقتی اؤتوب، بو نئجه

اره گئده بیلر

ار بونون نه یینی آلسین

اوردان قاری چلیی ایله  وورار اوغلانین تپه سیندن دئیر یئتیم سن چوخ

بیلنسن یوخسا موسی؟؟؟

هله داستان بوردا بیتمیر

آناسی هر گون اوغلانا دئییر کی گل موسا نین سؤزونو یئره سالما

آللها خوش گئتمز. گل پیغمبرین بیر سؤزونو ایکی ائله مه

بالا مه یازیغین گلسین

آی سنی گؤرم سوبای اؤلمه یه سن

آخیر اوغلان جانا گلیر. آناسینا دئییر

آی آنا من سنی اره وئره رم. آنجاق بیر شرطی وار

آناسی دئییر نه شرطی

اوغلان دئییر: باخ من سنه ۱۰۰ دانا جویز وئره جیم. اگر اونلاری دیشلرینله

سیندیرا بیلسن اوندا منیم سؤزوم یوخدو

آناسی ناچار قبول ائدیر. اوغلان آناسینا ۱۰۰ دانا گئر جویز( قابغی چوخ برک

اولان جویز) وئریب گئدیر

آناسی جویزلرین بیرین سالیر دیشسیز آغزینا و آخشامادک گمیریر

آخشام اوغلان ائوه گلیب آناسیندان سوروشور نئچه سنی سیندیرمیسان؟

آناسی چوخ اومودلو سسله دئییر

بونو سیندیرسام قالار ۹۹ دانا سی

نئچه گون بوندان قاباق، گئتمیشدیم تراشکارین ایش توکانینا. گئتمیشدیم کی یانیندا دوروب و ایشینه کؤمک ائله ییم، بلکه من دئین ایشی تئز بیتیرسین.

تراشکار سحر چؤرح یئمه میشدی. ناهارا آز قالیردی. مندن سوروشدو سن ناهار یئمیسن؟ منده یالاندان جواب وئردیم: بلی  یئمیشم. باشلادیق ایشه. بیر ایکی ساعات اؤتدو. تراشکار بیر سیگار آلیشدیریب دئدی من بیر سئرچه وورموشام. دوکانینین یانی بیر حیط ایدی کی چوخلو مو آغاجلاری وارایدی. سئرچه لر ده گلیب اوزوملرین یئیردیلر. تراشکار سئرچه لرین بیرینی قوش توپانچاسیلا ووروب دریسینی سویموشدو.

گتیریب پیک نیک ده پیشیردی و بیر سئرچه نی ایکی کیشی یئدی ناهار یئرینه

سونرادا آخشامادک ایشله دیک.

بو گون بو شعری اوخودوم نوصرت کسمنلی دن.

اؤزومه آجیغیم گلدی.

ایكی سئرچه ....

تئلئقراف تئلینده ایكی سئرچه،

بیری سن، بیری من

یووامیزدا ایكی كؤرپه،

..... ایكی میــــزین.....

یاشاییریق بئله جه ....

ظالیم كئشیك چی سی اولان

بیر زمی بوغدامیز ،

فیكیر ائله مه، عؤمـــــــروم _ گونـــــــوم !

بویویه جك بالالاریمیز ! .

بیر بوداق دا ایكی سئرچه ،

بیری سن بیری من

آغاجین كؤكونده بالتا سسی ،

بوداقلاریندا یارپاقلارین

               قورخولو تیتره مه سی ،

یووامیزدا مئشه زیلزیله سی .

بیزی آختاران اووچو گولـله سی

               هله كی یان كئچیر،

گولـله لر گؤیرچین لری ،

توراجلاری، ككلیك لری سئچیر .

بیزه ده دیه بیلردی

              اونلار اولماسا.....

نووبه بیزه چاتاجاق

             مئشه ده یاغلی قوشلار قالماسا.....

بیر بولاقدا ایكی سئرچه

بیری سن، بیری من.

سو ایچیب گؤیلره باخیریق ،

عؤمور ایسته ییریك ایلاهی دن،

بالالاریمیز اوچانا قدر ،

باغا ، بوستانا ،

                آیاق آچانا قدر.....

مئشه ده بیر آج تولكو،

آغزیندا سئرچه توكو

               ائله بیل دیشلری

              قانادلانیب اوچماق ایسته ییر .

تئلئقراف تئللرینده كی،

بوداقلارداكی،

كوْل- كوْسدان اوزاقلارداكی

اوچان تیكه نی توتماق ایسته ییر .

بیز توكلری تولكو دیشینده قالان

              سئرچه لرین جسدی ییك

تولكولرین اوچان حسرتی ییك.....

بیر ائیواندا ایكی سئرچه،

بیری ســــــن، بیری مــــــــن....

سیغینمیشیق یووامیزا،

گئدك یئم دالینجا

دن گتیرن یوخدور بیزه .

سن خیرمانا...

من دییرمانا.....

دییرمان داشلاری اووولوب،

دن گتیرنلر چوخدان قووولوب .

تكجه سویو دئییل،

دنی ده سوْوولوب دییرمانلارین .

گئده جك باشقا یئریمیز یوخدور،

گؤرورم هاوا سوْیوقدور،

اوج ، مـــــــله ییـــــــم منیم .

بالالارین دیمدییینده

             بیر شئی قالماییب

           ساری دان باشقا .

یوخولاریندا هئچ نه گؤرمه ییرلر

                      داری دان باشـــقا !!

بیر شئی گتیره بیلمه سك

هئچ اولماسا بیر اووچونون آج بالالارینا یئم اولاق .

من گئدیم ، سن گلمه ،

بالالاردان گؤز-قولاق اول ، گؤز-قولاق....

گؤی اوزونده ایكی سئرچه !

بیـــــری ســــــــن ، بیـری مــن !!

گلمه گؤزلیم ، گلمه !!!

گولـله آچیلسا بیردن ،

بیر تاوادا ایكی سئرچه پیشه جك ،

بیری مــــن ،

بیــــــری....سن